مين قال إن الشوفان صحي في الأكل بس؟ 🤔، تعرفوا إن الشوفان ليه فوائد كتيرة للبشرة، منها مثلآ إنه بيحتوي على مادة السابونين اللي بتنضف البشرة زي الصابون بالظبط، الشوفان كمان بيزيل الجلد الميت و كمان بيرطب البشرة و بيديها نضارة، غير إنه كويس جدآ لتقشير البشرة و التخلص من الرؤوس السودا♥️
أول ماسك
🍯ماسك الشوفان و العسل بنصح بيه كل البنات، و بالذات اللي بشرتها جافة، لإنه بينضف البشرة جدآ من الشوائب و الجلد الميت و في نفس الوقت بيرطبها.
المكونات :
١-معلقة كبيرة شوفان مطحون.
٢-معلقتين عسل نحل.
٣-نصف كوباية لبن.
هتخلطي المكونات مع بعض لحد ما قوامها يبقى زي العجين، هتفرديه علي بشرتك ١٥ دقيقة و بعدين هتغسليه بمياه فاترة💆♀️❤️
تاني ماسك في ماسكات الشوفان هو ماسك الشوفان و الزبادي، هو مناسب جدآ للبشرة الحساسة، كمان هو بيهدي أي إلتهابات في البشرة.
المكونات :
١- ١/٣ كوباية شوفان مسلوق.
٢-معلقتين كبار زبادي.
هتخلطي هم مع بعض و تحطي منه طبقة سميكة على بشرتك، لمدة ١٠ دقايق و هتغسليه بمياه فاترة. ❤️
الصحة والجمال